Mediat e huaja raportojnë se diktatori i Koresë së Veriut ndodhet në gjendje kome dhe drejtimin e shtetit do ta marrë një femër, motra e tij.
Kim Yo-jong është motra e vogël e diktatorit, por që sipas disa profesorëve ajo paraqet një rrezik më të madh për SHBA-në, pasi është një diktatore e ashpër dhe një kërcënim i besueshëm bërthamor.
“Mënyra se si ajo duhet të ndërtojë besueshmërinë dhe për të fituar respektin e të tjerëve nuk do të bëjë duke qenë e mirë, po duke qenë një diktatore e ashpër me njerëzit dhe kërcënim i besueshëm bërthamor për Shtetet e Bashkuara të Amerikës”, thotë profesori Sung-Yoon Lee.
Mësoni kush është 32-vjeçarja Kim Yo-jong:
Kim ka lindur në shtator të vitit 1987 dhe është vajza e ish-diktatorit të Koresë së Veriut Kim Jong-il. Kim Yo-Jung ka pasur një lidhje të ngushtë me vëllain Kim Jong-un që në moshë të vogël, pasi të dy studiuan së bashku në Zvicër midis viteve 1996 dhe 2000.
Më pas ajo vazhdoi arsimimin e saj në Universitetin Ushtarak “Kim Il-sung” dhe më vonë për shkenca kompjuterike në universitetin “Kim Il-sung”. Yo-jong është e martuar me Choe Song, djali i zyrtarit të lartë ushtarak të Koresë së Veriut dhe politikanit Choe Ryong-hae dhe ka një fëmijë me të.