Kalon në gjykim “Babalja”. Të pandehur ish deputeti Ervin Salianji dhe 3 të tjerë

Fillon gjykimi për dosjen “Babalja”. Është ky vendimi që ka marrë sot Gjykata e Tiranës. Të pandehur të çështjes janë Ervin Salianji, ish-deputeti i Partisë Demokratike, Fredi Alizoti, Albert Veliu dhe Jetmir Olldashi me akuzën e “kallëzimit të rremë”.

Mësohet se Fredi Alizoti ka kërkuar gjykim të shkurtuar, tre të tjerët pushimin e gjykimit. Ndaj këtij vendimi ka reaguar kryetari i Partisë Demokratike, Lulzim Basha. Ai akuzoi gjykatësin Kastiot Gramshi që dha vendimin dhe prokurorët e çështjes si “pengje të vettingut”.

“Sot prokurorët e çështjes dhe një gjyqtarë, të tre pengje të Vettingut, kanë pranuar që në vend që të nisin hetimet të çojnë në gjyq ku të denoncuesit, dhe jo kriminelët. Në këtë  pikë ka ardhur vendi me Edi Ramën”, u shpreh Basha.

Kreu i opozitës paralajmëroi gjyqtarin dhe prokurorët e çështjes se nuk do t’ia hedhin Vettingut, “që do t’iu bëhet publikisht nga Partia Demokratike”, duke i ftuar që mos t’i bëjnë llogaritë me kriminelët në ikje, por me drejtësinë e re që po vjen.