Gent Cakaj bën gafën e radhës, e pafalshme për një ministër të Jashtëm

Ministri i Jashtëm i deleguar, Genc Cakaj ka bërë gafën e radhës. Ai ka dalë sot në një deklaratë për shtyp për të njoftuar se të gjitha pasaportat diplomatike do të jenë të pavlefshme derisa të hartohet ligji i ri.

Cakaj apeloi diplomatët që t”i dorëzojnë pasaportat, pasi ato do të shpallen të pavlefshme. Ky ka qenë edhe momenti, kur ministri i Jashtëm i deleguar ka bërë gafën, teksa deklaroi se abuzimi me pasaportat diplomatike po pengon liberalizimin e vizave.

“Rrjedhoje e kësaj besueshmërie të barabarte me 0 është edhe hezitimi, por shpesh-here edhe refuzimi i shume vendeve europiane dhe me gjerë për të liberalizuar reciprokisht lëvizjen e bartësve të pasaportës diplomatike. Si mund të flasim pastaj për liberalizim të pasaportës së zakonshme. Shqipëria është gjithsesi një shtet me serioz se kaq”, u shpreh Cakaj.

Kjo deklaratë lë të kuptohet se ministri i Jashtëm i deleguar nuk e di se Shqipëria i ka liberalizuar vizat në zonën Shengen që prej vitit 2010.