Policia ka shpëtuar një person që mbahej peng prej katër ditësh për shkak të një borxhi prej katër mijë eurosh.
Kanë rënë në prangat e policisë një 24 vjeçar dhe është shpallur në kërkim një tjetër. Pas ndërhyrjes së policisë me operacionin “Plugu” u arrestua një 24-vjeçar banues në Nikel, Fushë Krujë, ndërsa në kërkim u shpall bashkëpunëtori i tij.
Emrat: Personi që është marrë peng është Behar Zemzadja nga Divjaka, ndërsa pengmarrësi është identifikuar si Edison Mjekra.
Materialet në ngarkim të autorëve, i kaluan Prokurorisë pranë Gjykatës së Shkallës së Parë Për Krime të Rënda Tiranë, për veprën penale të “Rrëmbimi ose mbajtja peng e personit”.
