E zbulon Artan Hoxha, ky është programi që perdorin bosat shqiptar të drogës në Angli që të mos i kapë policia

Kriminelët gjithmonë gjejnë një gjejnë. Mediet britanike kanë shkruar së fundmi se bandat kriminale po përdorin një tjetër sistem të mesazheve në telefon që nuk mund të përgjohet nga policia. Mësohet se ata po përdorin komunikimin telefonik SKYECC, që pretendohet se është më i sigurt. Sistemi SKYECC me bazë në Vankuver pretendohet se nuk mund të hakerohet.

Ndërsa, më herët kanë përdorur sistemin EncroChat. EncroChat dyshohet se është përdorur nga 60,000 kriminelë në të gjithë globin, 10,000 prej të cilëve ishin me qendër në Mbretërinë e Bashkuar. Ai siguroi një sistem të koduar të mesazheve dhe ua vështirësoi punën edhe policisë. Por, në fillim të këtij viti ekspertët e kompjuterave të policisë franceze dhe holandeze ishin në gjendje të thyenin kriptimin dhe të monitoronin mesazhet e mijëra banditëve. Ata i dhanë Agjencisë Kombëtare të Krimit të Mbretërisë së Bashkuar qasje në 10,000 llogari që përdoren nga bandat që veprojnë atje. Një numër vrasjesh dhe komplote që po planifikoheshin përmes EncroChat, u pikasën në kohë nga policia.

Por çfarë po bëjnë tani kriminelët?

Tashmë kriminelët në Britani të Madhe, mes të cilëve ka edhe shqiptarë po përdorin programin SKYECC. Deri më tani ky është një sistem që nuk mund të hakerohet. Një bandit shqiptar, me qendër në Mbretërinë e Bashkuar, siguroi fotografi të mesazheve me SKYECC dhe tha se ky është një sistem shumë i nevojshëm.

“Ne e dimë se çfarë ndodhi me EncroChat dhe tani jemi duke përdorur SKYECC. Ne jemi profesionistë dhe e dimë se çfarë bëjmë me komunikimin. Komunikimi i sigurt është jetik për njerëzit në këtë biznes. Ne duhet të merremi me partnerët tanë në Amerikën e Jugut dhe nuk mund t’i bëjmë marrëveshjet e kokainës në një mënyrë normale.”, ka banditi.

Ndërkohë gazetari shqiptar Artan Hoxha ka thënë për Express.co.uk se ka komunikuar me burime nga bota e krimit dhe është konfirmuar se tani bandat përdorin SKYECC.

Ai tha se telefonat EncroChat u përdorën nga “mbretërit shqiptarë të drogës” për rreth dy vjet, por tashmë nuk përdoret më.

“Ky ishte një sinjal për bosët e mëdhenj të drogës shqiptare që të mos përdorin më EncroChat por disa njerëz në MB dhe Shqipëri vazhduan ta përdorin atë. Kërkesa e tillë për këto lloj telefoni ka bërë që ndërmarrje të ndryshme të fillojnë të furnizojnë komunikim të sigurt. Bosët shqiptarë të krimit paguajnë para për njerëzit e IT për të punuar për ta dhe për të siguruar një komunikim të sigurt. Për ta është bërë si një lojë mace dhe miu, për të mos u përgjuar nga policia“, është shpprehur Artan Hoxha.