Superskandali, Sandër Lleshaj kryetar i Avionit Civil në grabitjen e 2017

Vetëm dy minuta i është dashur grabitësve që të vidhnin paratë aeroportin e Rinasit. Grupi kriminal i drejtuar nga Admir Murataj, dukej se ishte i informuar shumë mirë për të gjithë planin e transortit të parave.

Ndërkohë, kjo nuk është hera e parë që aeroporti i Rinasit përballej me grabitje. Kujtojmë se në 2017 Rinasi u përball me një goditje të ngjashme, kur  ministri aktual i brendshëm Sandër Lleshaj ka mbajtur postin e kryetarit të bordit të Aviacionit Civil.

Edhe pse gjeneral aktiv, Lleshaj pse nuk ka marrë asnjë masë për sigurinë në aeroportin e Rinasit, ndërsa sot kryqëzon konçensionarin për probleme në standartet e sigurisë?

Ja dokumenti:

Sipas VKM, të 13 dhjetorit 2017, këshilli drejtues i Autoritetit të Aviacionit Civil mori këtë përbërje:

Sandër Lleshi, kryetar;
Brunilda Lilo, anëtar;
Hajrulla Çeku, anëtar;
Vladimir Avdiaj, anëtar;
Etleva Kondi, anëtar.

V E N D I M PËR EMËRIMIN E KRYETARIT DHE TË ANËTARËVE TË KËSHILLIT DREJTUES TË AUTORITETIT TË AVIACIONIT CIVIL

Në mbështetje të nenit 100 të Kushtetutës dhe të pikës 3, të nenit 5, të ligjit nr.10233, datë 11.2.2010, “Për Autoritetin e Aviacionit Civil”, të ndryshuar, me propozimin e ministrit të Infrastrukturës dhe Energjisë, Këshilli i Ministrave V E N D O S I:

Emërimin në detyrën e kryetarit dhe të anëtarëve të këshillit drejtues të Autoritetit të Aviacionit Civil, si më poshtë vijon:

– Z. Sandër Lleshi, kryetar; – Znj. Brunilda Lilo, anëtar; – Z. Hajrulla Çeku, anëtar; – Z. Vladimir Avdiaj, anëtar; – Znj. Etleva Kondi, anëtar. Ky vendim hyn në fuqi menjëherë.

K R Y E M I N I S T R I EDI RAMA