Dhunoi bashkëshorten/ Shqiptari godet fqinjin me thikë, ndërhyri për t’i ndarë

Një 43-vjeçar shqiptar është arrestuar nga policia italiane. Ai akuzohet se ka dhunuar të shoqen dhe ka plagosur me thikë fqinjin.

Mediat italiane shkruajnë se shqiptari, i cili banonte në Caserta, kishte ushtruar dhunë ngaj bashkëshortes dhe më pas e kishte kërcënuar me një thikë për vdekje.

Fqinji, i cili ishte shqiptar, ka dëgjuar të bërtiturat e gruas dhe ka ndërhyrë për t’i ndarë, por e ka pësuar.

43-vjeçari e ka goditur fqinjin e tij disa herë me thikë në pjesën e barkut. Më pas është përpjekur të arratiset, me armën e krimit në duar.

Ai u kap nga policia pas një ore. Bashkëshortja dhe fqinji ndodhen në spital nën kujdesin e mjekëve, ndërsa autori i krimit ndodhet pas hekurave, në Santa Maria Capua Vetere.