Tiranë/ Hodhi foshnjen në kazanin e mbeturinave, shoqërohet në polici një 32-vjeçare

Pas ngjarjes së rëndë sot në Tiranë, ku një foshnje u gjet pa jetë në lagjen “Ali Demi”, policia ka shoqëruar në Komisariat një 32-vjeçare, e cila akuzohet se e ka hedhur trupin e pajetë në një kosh mbeturinash.

Dyshohet se nëna nuk kishte para për të varrosur foshnjen prematurë në agjencitë funerale dhe ka kryer veprimin fatal.

“Në vijim të informacionit paraprak të dhënë se në lagjen “Ali Demi”, mbrapa ish-markatës së vjetër, në koshin e mbeturinave është gjetur pa shenja jete një foshnje i gjinisë mashkullore ju bëjmë me dije se:

Nga tërësia e veprimeve hetimore u bë i mundur identifikimi si dhe shoqerimi në ambientet e Komisariatit të Policisë Nr.1, i shtetases H.M.,32 vjeçe, banuese në Gjirokastër, për veprime të metejshme hetimore”, tha Policia.

Nën drejtimin e Prokurorisë vijon puna për zbardhjen e plotë të rrethanave të ngjarjes.