Policia ka arrestuar autorin e dyshuar të vrasjes së 23-vjeçarit Gledis Kraja mbrëmjen e djeshme në Shkodër.
Sipas informacioneve, pas kontrolleve të shumta të ushtruara në bashkëpunim me FNSH dhe presionit të ushtruar nga forcat e policisë duke mbajtur në rrethim zonën ku fshihej, u bë e mundur vënia në pranga e Stjuart Smakaj.
Ky i fundit dyshohet si autori i ngjarjes së mbrëmshme, ku mbeti i plagosur me armë zjarri dhe më pas humbi jetën ish-futbollisti Gledi Kraja.
Ndërkohë është shpallur në kërkim dhe vëllai i tij Sebastian Smakaj.
Po kështu policia ka sekuestruar edhe armën e zjarrit të modifikuar.
