E pabesueshme/ Vendi i parë në botë ku ‘shpërtheu’ COVID19, por ja çfarë po ndodh në Wuhan

Të gjithë do e mbajnë mend si vendi i parë në botë ku shpërtheu pandemia e COVID19.

Por pas bllokimit dhe masave të rrepta, duket se Wuhan po merr frymë lirisht pas pothuajse 10 muajsh.

Në qytetin kinez ka ndodhur dhe një eveniment që nuk pritej aspak, në një kohë që bota vijon të vuajë nga infektimet e reja dhe vdekjet për shkak të koronavirusit.

Së fundmi mijëra banorë janë mbledhur në një park ujor në Wuhan, për një festival muzikor elektronik, pa maska apo distancë sociale, raporton CNN.

Gjatë fundjavës, Parku Ujor “Maya Wuhan Beach” ishte i mbushur me qytetarë të veshur me rroba banje dhe duke u argëtuar nën ritmet e muzikës.

Por në Wuhan, jeta është kthyer gradualisht në normale që kur metropoli i 11 milionë njerëzve në provincën Hubei u bllokua totalisht për 76 ditë në fillim të muajit prillit. Qyteti nuk ka raportuar ndonjë rast të ri që nga mesi i majit.

Parku ujor u rihap në fund të qershorit, por më shumë se një muaj shi sezonal kishte dekurajuar turmat të mos dilnin.