LIGJET E BIZNESIT
Që prej pasdites së sotme puna në doganën e Kakavijës vijon normalisht. Pak orë më parë, policia kufitare shqiptare komunikoi me palën greke, për të lejuar kalimin e udhëtarëve edhe pas orës 22:00.
Së fundmi mësohet se pala greke ka pranuar kërkesën e palës shqiptare dhe puna do të vijojë edhe gjatë natës. Po ashtu mësohet se është shtuar edhe stafi mjekësor, i cili bën tamonimin e udhëtarëve. Dakordësia u arrit, pasi drejtori i Policisë Kufitare të Janinës, Fotis Dijis dhe Komandatin e Policisë Kufitare greke, Thomas Betsis, u takuan në Kakavijë me palën shqiptare.
Pala greke premtoi, se kufiri do të qëndrojë hapur edhe gjatë natës, në mënyrë që të kalojnë të gjithë makinat që ndodhen në radhë. Aktualisht në pikën kufitare të Kakavijës, ndodhen edhe 450 makina.
Ndërkohë pak orë më parë, policia ka ngritur postoblloqe në Jorgucat, për të ndaluar kalimin e mjeteve drejt Kakavijës, nëse udhëtarët nuk kanë me vete certifikatën e testit COVID-19. Që prej ditës së nesërme, të gjithë udhëtarët që do të kalojnë drejt Greqisë, do të futen në kartantinë për një javë. Gjithashtu, duhet të kenë me vete certifikatën e testimit, dhe formularin e posaçëm. Pala greke ka njoftuar se që nga nesër do të lejojë kalimin e vetëm 750 personave në Kakavijë dhe 300 të tjerëve në Kapshticë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
