Aeroporti ka publikuar të gjitha informacionet që duhet të dinë ata që kanë ndërmend të udhëtojnë drejt Gjermanisë për të takuar bashkëshortin apo bashkëshorten.
Mjaft që të keni me vete certifikatën e martesës me vulë apostile, certifikatë familjare, fotokopjen e lejes së qëndrimit të partnerit dhe klontata e shtëpisë, konfirmimi me e-mail nga Gjermania dhe sigurisht biletat.
Njoftimi i plotë
Për më shumë bëhu pjesë e grupit më viral në Facebook, Dosja.al
Dokumentet që kërkohen (lista ka vetëm qëllim reference dhe asistence) 1) Certifikatë martese me vulë apostile; 2) Certifikate familjare me vulë apostile; 3) Fotokopje e lejes së qëndrimit të bashkëshortit apo bashkëshortes; 4) Biletat vajtje-ardhje; 5) Kontrata e shtëpisë në Gjermani; 6) Konfirmim me e-mail nga policia kufitare federale gjermane (e aeroportit të mbërritjes) ose plotësimi i një formulari të posaçëm në policinë lokale nga bashkëshorti apo bashkëshortja rezident; 7) Kush udhëton me fëmijë, duhet një prokurë e posaçme, e përkthyer dhe e noterizuar nga bashkëshorti apo bashkëshortja rezidente.
Bëjmë me dije se kjo listë është vetëm referuese, për të patur një përgjigje të përafërt për qindra pyetje në inbox. Theksojmë se ky është një informacion i mbledhur nga TIA, për t’u ardhur në ndihmë pasagjerëve dhe familjarëve dhe nuk mund të quhet dokument zyrtar. Është e rëndësishme të kuptohet që kalimi i kufirit shqiptar dhe hyrja në kufirin gjerman mbetet në diskrecionin e policisë kufitare të të dy vendeve. Ju faleminderit për mirëkuptimin, Tirana International Airport.