E dhimbshme/ 5-vjeçarja me virus futet në intubim, i shfaqet sindroma e rrezikshme

Ajo që mjekët duan të kuptojnë është nëse sindromi është shkaktuar nga Covid-19, sikurse ka ndodhur me sindromën Kawasaki.

Një vajzë 5-vjeçare nga Padova e Italisë ka përfunduar në intubim për shkak të gjendjes së rëndë pasi u infektua me koronavirus.

E mitura është pacientja e parë në Itali, me këtë moshë që i është nënshtruar kujdesit intensiv. Sikurse shkruajnë edhe mediat italiane, vogëlushja nuk vuan nga ndonjë sëmundje tjetër, por asaj i ka ndodhur diçka që duhet marrë në studim patjetër.

Ndërkohë mjekët kanë bërë me dije se në momentin kur ajo është futur në kujdes intensiv, me frymëmarrje të rënduar, u zbulua se pacientja e vogël kishte një sindromë hemolitiko-uremike. Kjo është një formë sëmundjeje e gjakut dhe veshkave, e cila zakonisht shoqërohet me infeksione gastrointestinale.

Ajo që mjekët duan të kuptojnë është nëse sindromi është shkaktuar nga Covid-19, sikurse ka ndodhur me sindromën Kawasaki.

Deri më tani numri i përgjithshëm i viktimave në Itali ka shkuar në 35.396 ndërsa numri i të infektuarëve ka arritur në 253.915.