Drejtoria Vendore e Kufirit dhe Migracionit në Korçë njoftoi se është mbyllur Pika Doganore e Kalimit Kufitar Kapshticë për ditën e sotme.
Sipas njoftimit mësohet se nuk do të lejohet asnjë person të kalojë në shtetin kufitar sepse u plotësua kuota prej 300 personash.
Policia Kufitare apelon qytetarët që te mos vazhdojnë dyndjen dhe të mos krijojnë radhë të gjata, pasi Dogana greke aktualisht është e mbyllur.
Njoftimi i policisë:
Drejtoria Vendore e Kufirit dhe Migracionit Korçë.
Stacioni i Policisë Kufitare Kapshticë:
Ditën e sotme, pas takimit që autoritetet shqiptare zhvilluan me palën greke, jemi informuar se nga Pika e Kalimit Kufitar Kapshticë, drejt Republikës së Greqisë do të lejohen të kalojnë vetëm 300 shtetas.
Aktualisht kjo kuotë, është plotësuar dhe nga ana e palës greke është pezulluar puna.
Policia Kufitare apelon për qytetarët që duan të udhëtojnë në drejtim të Greqisë, që mos vijojnë të dynden dhe të shmangin krijimin e radhës drejt kësaj pike kalimi, pasi Dogana Greke aktualisht është e mbyllur.
Ju faleminderit për mirëkuptimin!