Të fshehura në kovën me bulmet/ Sekuestrohen 26 kilogram marjua*ë, në pranga 3 persona

Policia Kufitare ka sekuestruar rreth 26 kilogram lëndë narkotike të tipit marjuanë. Lënda ishte e paketuar në formë çokollate, në portin e Durrësit.

Mësohet se gjatë kontrollit, në një kovë me bulmet, u konstatuan brenda saj  pako me lëndë narkotike.

Kanë përfunduar në pranga 3 persona për veprën penale “Trafikim i lëndëve narkotike kryer në bashkëpunim”, mes tyre 2 shoferë dhe menaxheri.

Njoftimi i policisë:

Kontrolle të shtuara, si në dalje dhe në hyrje, për të parandaluar dhe goditur paligjshmërinë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Policia Kufitare parandalon  një tjetër rast të trafikimit të lëndëve narkotike.

Arrestohen në flagrancë 3 shtetas, për veprën penale “Trafikim i lëndëve narkotike kryer në bashkëpunim”.

Sekuestrohen rreth 26 kg lëndë narkotike e dyshuar e llojit mariuanë në formë çokollate.

Policia Kufitare  në bashkëpunim me Seksionin për Hetimin e  Narkotikëve në Drejtorinë Vendore të Policisë Durrës, si rezultat i masave të shtuara  për parandalimin, evidentimin dhe  goditjen e veprimtarisë kriminale në fushën e trafikimit të lëndëve narkotike, arrestuan në flagrancë shtetasit:

S.D., 31 vjeç, banues në Durrës (menaxher);

S.S., 59 vjeç, banues në Përmet (shofer);

Y.K., 49 vjeç, banues në Tiranë (shofer);

Si rezultat i kontrolleve të shtuara dhe analizës së rriskut  të bërë nga Policia Kufitare, u kalua për kontroll të detajuar  në vijën e dytë, një autobuz që kryente linjën Durrës-Itali.

Gjatë kontrollit në një kovë me bulmet, u konstatuan brenda saj  pako me lëndë narkotike.

Menjëherë janë njoftuar Specialistët për hetimin e narkotikëve në DVP Durrës, ku pas kontrollit te imtësishëm u gjet dhe u sekuestruan një sasi rreth 26 kg lëndë narkotike mariuanë, në formë çokollate.

Në përfundim të veprimeve të para hetimore të kryera nga Specialistët për hetimin e narkotikëve, u bë arrestimi i dy shoferëve të autobusit dhe i menaxherit.

Në cilësinë e provës materiale u sekuestrua lënda narkotike, 1 automjet si dhe 6 aparatë celular.

Materialet i kaluan Prokurorisë së Rrethit Durrës, për veprime të mëtejshme.