Ditë zie në Shtëpinë e Bardhë/ Trump humb njeriun më të afërt: Kujtimet e tij do të mbesin të gjalla

Presidenti i SHBA-së, Donald Trump ka humbur vëllain më të vogël, Robert Trump.

Ai ndërroi jetë në moshën 71-vjeçare, pasi prej disa kohësh ishte i shtruar në spital. Lajmin e hidhur e ka konfirmuar presidenti Trump, përmes një deklarate të bërë nga Shtëpia e Bardhë.

“Me hidhërim të thellë, njoftoj se vëllai im i mrekullueshëm, Robert, paqësisht u nda nga kjo botë. Ai do të jetë një mungesë e madhe, por ne do ta takojmë sërish. Kujtimet e tij do të mbesin të gjalla në zemrën time përgjithmonë. Robert, të dua shumë. Pusho në paqe. Ai nuk ishte vetëm vëllai im, ai ishte shoku im më i mirë”, tha Donald Trump, në një deklaratë të shtunën.

Mediat raportuan se Robert Trump ishte në gjendje të rëndë në spital, por nuk u dha informacion nëse vuante nga ndonjë sëmundje.