Edhe pse jemi në stinën e verës, duket se kapriçot e motit nuk kanë fund dhe në këtë periudhë.
E njëjta gjë ka ndodhur pasditen e kësaj të shtune në Kastoria të Greqisë.
Aty ka rënë breshër me madhësi sa një top ping-pongu, duke shkaktuar kështu dëme të mëdha materiale në makina dhe panele diellore.
Mediat fqinje ndërkohë kanë publikuar dhe foto me pamjet nga zona.
Sipas buletinit të urgjencës së fenomeneve të rrezikshme të motit të lëshuar nga EMY, një ndryshim i përkohshëm i motit është parashikuar nga pasditja e 15 gushtit edhe në veri të Greqisë, me shira të fortë dhe stuhi të shoqëruara nga erëra të forta dhe breshër.
Këto fenomene intensive do të prekin Maqedoninë, kryesisht Qendrore dhe Lindore, nga pasditja e sotme deri në orët e para të mëngjesit të së dielës.