Një ngjarje e rëndë ka ndodhur sot në liqenin e Shkodrës.
Mësohet se është mbytur një 24-vjeçar i identifikuar me inicialet B.D.
Ndërkohë policia ka dhënë dhe njoftimin zyrtar.
I riu banues në fshatin Kotsh, Malësi e Madhe ka qenë bashkë me disa të njohur të tij, ndërsa është hedhur nga varka në liqen duke mos dalë më.
Ngjarja ka ndodhur rreth dy orë më parë, ndërsa po vijon puna për gjetjen e trupit në liqen.
“Më datë 15.08.2020 ora 17:10, në Liqenin e Shkodrës, në fshatin Grizhë, vendin e quajtur “Balshaj”, Malësi e Madhe, kanë qenë duke u larë katër persona, ku njëri nga djemtë i shtetasi B. D. 24 vjeç, banues në fshatin Ktosh, Malësi e Madhe, pasi është hedhur nga varka në liqen, nuk ka dalë nga uji. Në vendngjarje ndodhen shërbimet e policisë dhe grupi hetimor po punojnë për gjetjen e trupit në liqen”, njofton policia.