Ditën e djeshme, Policia e Tepelenës ka kapur 15 klandestinë kurd. Mësohet se emigrantët kishin hyrë në tokën shqiptare në mënyrë ilegale dhe kishin si synim vendet e Bashkimit Euopian. Ata u kapën në fshatin Luzat, teska ishin duke ecur në këmbë. Emigrantët nuk kishin asnjë shoqërues shqiptar.
Ndërkohë, 3 nga 15 emigrantët janë dërguar me urgjencë në spitalin “Omer Nishani” në Gjirokastër, pasi kishin probleme shëndetësore. Ndërsa emigrantët e tjerë janë shoqëruar në komisariat.
Emigrantët e përdorin Shqipërinë si vend tranzit për të shkuar drejt vendeve të BE-së, për një jetë më të mirë. Ata paguajnë trafikantët shqiptarë, për të kaluar kufurin. Policia e Shtetit prej disa muajsh vijon aksionon “Perimetri”, ku deri më tani janë kapur me qindra klandestinë dhe janë arrestuar shumë trafikantë.
