Ardi Veliu me ‘dorë të hekurt’/ Pezullon nga detyra policin, tentoi të kalonte një makinë pa rradhë në Kakavijë

Pas raportimeve se një punonjës policie ka tentuar të kalojë sot një automjet pa rradhë në Kakavijë, drejtori i Përgjithshëm i Policisë së Shtetit Ardi Veliu ka vendosur të pezullojë atë nga detyra.

“Punonjësi i Stacionit të Policisë Kufitare Kakavijë, duke shpërdoruar detyrën, ka tentuar të kalojë jashtë radhe një automjet me targa greke, për në shtetin grek.

Drejtoria e Standardeve Profesionale në Drejtorinë e Përgjithshme të Policisë së Shtetit ka nisur menjëherë hetimin disiplinor ndaj punonjësit të Policisë, për shkelje të rëndë.

Ndërkohë, për situatën e krijuar pas ndërhyrjeve të njëpasnjëshme të Drejtorit të Departamentit për Kufirin dhe Migracionin tek homologët e policisë greke, këta të fundit kanë ndikuar në autoritetet shëndetësore greke dhe tashmë ka filluar të rritet lëvizja në drejtim të shtetit grek, pasi është shtuar personeli shëndetësor që kryen testet për COVID-19”, thuhet në njoftimin zyrtar të policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern