LIGJET E BIZNESIT
Situata në pikën kufitare të Kakavijës prej ditësh është alarmante.
Vargu i makinave ka shkuar deri në Jorgucat, dhe rradha arrin deri në mbi 20 kilometra.
Qytetarët janë të shqetësuar pasi presin nën diellin e fortë dhe nuk dinë se kur do të kalojnë kufirin.
Në lidhje me këtë gjendje, ka reaguar dhe ministria për Evropën dhe Punët e Jashtme.
Në një prononcim për Abc News, Ministria e Jashtme shpjegon se kanë kontaktuar me palën greke dhe është konstatuar se vonesat nuk shkaktohen nga policia, po prej autoriteteve shëndetësore. Më tej, ministria thekson se puna vijon normalisht në pikën kufitare të Kapshticës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Është realizuar takim me drejtues të palës greke dhe theksojmë se problemi në lëvizje nuk krijohet nga autoritetet policore greke apo ato doganore, por nga autoritetet shëndetësore në Pikën e Kalimit Kufitar të palës greke. Teksa në Pikën e Kalimit Kufitar Kapshticë, puna vijon normalisht.Në Pika Kufitare të tjera, pala Greke nuk kryen procedura hyrje/dalje, për mjete dhe shtetas, por procedon vetëm raste urgjente”, thuhet në përgjigjen e ministrisë. Po kështu, MPJ bën me dije se gjatë ditëve të fundit kalimi lejohet vetëm në orarin 06:00 deri 22:00 ora shqiptare.
