Kakavijë/ Vijon situata alarmante, rradha e makinave mbi 20 km. Qytetarët e kalojnë natën jashtë

Edhe mëngjesin e sotëm situata në pikën kufitare të Kakavijës ka qenë shqetësuese.

Ashtu si dhe një ditë më parë, asgjë nuk ka ndryshuar pasi pala greke pas njoftimit që ka bërë ka lejuar vetëm 750 qytetarë që të kalojnë brenda 24 orëve, të cilët kanë bërë dhe tamponin për COVID19.

Kujtojmë se dje rradha ishte mbi 12 kilometra, dhe gra, fëmijë, të moshuar e të sëmurë e kaluan natën jashtë pasi dogana nuk punonte.

E njëjta situatë duket dhe sot, pasi gjendja është përkeqësuar, madje vargu i makinave ka shkuar deri në mbi 20 kilometra.

Qytetarët kanë kërkuar vazhdimisht zgjidhje duke u shprehur të pakënaqur për një situatë të tillë.

Ndërkohë pala greke vijon të punojë me personel të kufizuar dhe të gjithë ata që kalojnë bëjnë tamponin.