Për grabitjen e ndodhur një ditë më parë në aeroportin e Rinasit, ku persona të armatosur dhe të maskuar arritën të marrin miliona euro, ka folur edhe eksperti i sigurisë, Fatjon Softa.
Softa ka deklaruar në KlanPlus se, grabitja e bujshme duhet të shërbejë për të nxjerrë përgjegjësit dhe jo më për të bërë konstatime.
Sipas tij, gjendja në aeroport është skandaloze dhe shteti duhet të ndërhyjë për të vënë rregull edhe në mënyrën e licencimit dhe funksionimit të shoqërive private të sigurisë.
