Rikthehet koronavirusi në spitalin e Beratit/ Infektohet mjekia, ja cilit pavion i përket

Koronavirusi është rikthyer në rradhën e bluzave të bardha në Berat.

Mësohet se një tjetër mjeke e Spitalit Rajonal të këtij qyteti është prekur nga virusi COVID19.

Ajo punon pranë Repartit të Alergologjisë dhe prej disa ditësh kishte shfaqur shenja të infektimit.

Ndërkohë nga përgjigja e tamponit mjekja ka rezultuar “pozitive”.

Sipas informacioneve ajo është karantinuar në banesë dhe gjendja e saj shëndetësore është e mirë.

Burime nga Drejtoria e Shëndetit Publik në Berat konfirmojnë se janë kryer tamponët e familjarëve të mjekes dhe personelit të Repartit, ndërkohë që po hetohen edhe rastet e kontakteve të tjera të saj.

Mjekja alergologe ishte mes dy rasteve “pozitive” të deklaruara zyrtarisht dje pasdite nga Ministria e Shëndetësisë, ndërkohë që sipas kolegëve të saj ajo kishte 5 ditë e sëmurë dhe me shenja dalluese të infektimit nga koronavirusi.