E gjithë bota tashmë prej 8 muajsh po përjeton një nga pandemitë më të vështira, atë të COVID19.
Shumë shtete kanë bërë planet përkatëse për mënyrën se si do ta përballojnë të gjithë situatën.
Ndërkohë si masë paraprake, disa prej tyre kanë vendosur mbylljen e kufijve deri në një afat të caktuar, edhe pse kjo mund të përkthehet si një kosto e rëndë për turizmin.
Në këtë listë përfshihen një shumëllojshmëri shtetesh.
Kështu, mësohet se territori i largët verior (NT) i Australisë do të vazhdojë ti mbajë kufijtë mbyllur për shtetet e prekura nga koronavirusi edhe të paktën për 18 muaj të tjerë.
Australia është duke përjetuar një valë të dytë me rreth 8,000 raste aktive në Melbourne dhe më pak raste në Sidney.
“Këshillat e mia është të qëndroni në Territor dhe mos udhëtoni. Ju jeni të sigurt këtu”, tha Michael Gunner.
Gjithashtu ai bëri një apel qytetarëve të anulojnë planet për festat e Krishtlindjes dhe të qëndrojnë në territorin verior.
Zyrtarët në territorin e veriut thanë se është e domosdoshme mbyllja e vendit për 18 muaj pasi duhen ndaluar vizitorët të cilët vijnë nga vendet ku virusi është i përhapur.