Plagosje në Tiranë/ Pas sherrit me thika, policia vë në pranga autorin

Një plagosje me thikë është shënuar orët e fundit në Tiranë.

Ngjarja ka ndodhur në rrugën “Don Bosko”.

Mësohet se pas një konflikti për motive të dobëta mes dy personave, është plagosur njëri prej tyre.

Sipas informacioneve është arrestuar autori, shtetasi me iniciale A.D 50 vjeç, banues në Tiranë.

Ky i fundit akuzohet se pas sherrit i ka ngulur thikën 45-vjeçarit me inicale A.K, i cili ndodhet në spital jashtë rrezikut për jetën.

NJOFTIMI ZYRTAR I POLICISE

Plagosi me thikë 45-vjeçarin pas një konflikti për motive të dobëta, vihet në pranga nga Policia e Tiranës autori.

Sekuestrohet mjeti prerës thikë me të cilën autori ka plagosur 45-vjeçarin.

Specialistët për Hetimin e Krimit në Komisariatin e Policisë Nr. 3 Tiranë, pas njoftimit të marrë për një konflikt në rrugën “Don Bosko”, ku dy persona ishin konfliktuar me njëri – tjetrin dhe për pasojë njëri prej tyre ishte plagosur me thikë, menjëherë organizuan punën dhe falë veprimeve të shpejta bënë identifikimin dhe kapjen e autorit të ngjarjes, konkretisht:

1. D., 50 vjeç, banues në Tiranë.

Arrestimi i këtij shtetasi u bë për veprat penale “Plagosja e rëndë me dashje” dhe “Mbajta pa leje e armëve të ftohta”, pasi në rrugën “Don Bosko”, ka plagosur me thikë, për motive të dobëta, shtetasin A. K., 45 vjeç, i cili ndodhet në spital, jashtë rrezikut për jetën.

Materialet i kaluan Prokurorisë së Rrethit Gjyqësor Tiranë, për veprime të mëtejshme.