Gazetari Gjergj Figuri ka denoncuar, nëpërmjet një statusi në Facebook, se gjobiten vetëm lokalet në Lezhë nëse organizojnë dasma.
Sipas Figurit, dasmat lejohen në të gjithë qytetet e tjerë dhe nuk merret asnjë masë administrative ndaj tyre.
Gazetari shkruan edhe një frazë “kërcënuese” në fund: Lezhjanët nuk kanë me të harru!
“Veç kurioz jam për të ditur, ky ministri Lleshi a e ka rendin dhe masat anticovid vetëm për Lezhën?
Ne s´jemi republikë më vete me mbret Sandrin dhe ligje veç për Lezhën?!!!!!
E treta dasëm ku jam i ftuar në Mirditë, Kurbin e Shkodër po asnjë gjobë, asnjë masë, asnjë shqetësim, asnjë frikë, asnjë mësymje policësh e FNSH drejt restoranteve të dasmave?!!!!
Hajde zbatim ligji hajde. Të fala Sandër nga një dasëm se lezhjanet nuk kanë me të harru?!”– shkruan ai.
Para pak ditësh ishte kryebashkiaku i Lezhës, Pjerin Ndreu ai që denoncoi goditjet selektive të Policisë së Shtetit ndaj lokaleve në Lezhë, krahasuar me qytete të tjera. Sipas Ndreut, ndërsa në Lezhë policia vendos gjoba në masë ndaj lokaleve që organizojnë dasma, kjo nuk ndodh në qytete të tjera.