Gazetari Erjon Skëndaj ka shpërther me deklaratën e tij para spitalit “Shefqet Ndroqi”, ku po raportonte drejtpërdrejt.
Sipas tij, shifrat e raportuara nga Ministria e Shëndetësisë nuk janë të vërteta, pasi në spital janë të shtruar 270 qytetarë dhe jo 124, siç u tha sot në raportimin zyrtar.
Ndër të tjera, Skëndaj ka theksuar se kapacitetet e spitaleve janë drejt ezaurimit dhe se të sëmurët nuk po marin shërbimin e duhur sepse nuk ka personel, as për t’i ushqyer dhe as për t’i higjenizuar.
“270 të shtruar në të dyja spitalet Covid dhe jo aq sa thotë ministria e Shëndetësisë. Ministria kur thotë atë shifër i referohet vetëm personave që kanë rezultuar pozitiv.
Nuk tregohet realiteti. Në spitalin ku jam janë 7 të intubuar dhe jo vetëm 4. Shifrat që jep ministria nuk janë të vërteta. Po ezaurohen kapacitete në të dyja spitalet. Janë 50 vende të lira në të dyja spitalet.
Ministria ka deklaruar se i ka gati kapacitetet për ato në prag të shërimit, kjo do të zbrazte spitalet që po kalojnë një ngarkesë të madhe.
Ministria ka raportuar se ka gati personelin, madje disa ditë më parë ka prezantuar personelin. Madje tha se po trajnoheshin mjekë dhe infermiere. Vetë ministria e ka pohuar me të madhe se ne i kemi kapacitetet, njerëzore, godina apo shtretër.
Dy spitalet Covd në fakt po vuajnë, por sipas ministrisë kanë 124 paciente.
Apeli i drejpërdrejtë i pacienteve eshte fakti se ka një numër relativisht të vogël të infermierëve në raport me pacientët. Higjienizimi i pacientëve, ushqimi i tyre. Apeli qështë për të patur ndihmës infermier, sespe nuk ka kush kudjeset për të sëmurët.
Vetë kapacitetet e reanimacionit ku janë vendosur 13 pacientë është për 8. Stafi mjekësor që ka shërbyer për më shumë se një javë është vetëm një klinikë mjekësore. Klinika tjetër do të fillojë nesër. Puna do ndahet përgjysëm se do të vijnë mjekët e tjerë që kanë qenë pushim .Te senatoriumi është përqendruar vëmendja pasi është një prej zonave më delikate me fluksin më të madh”, tha ai.