“E kanë derën e hapur”/ Mustafaj flet për rikandidimin e Berishës dhe Topallit

Një nga anëtarët e Komisionit të Vlerësimit të Kandidatëve në PD, Besnik Mustafaj ka folur në lidhje me rikandidimin e Sali Berishës në listat për deputetë.

Sa i përket rikandidimit të Berishës, ai e thotë qartë që do të jetë në listë, duke e vlerësuar atë si një person të rëndësishëm për PD-në dhe për vendin.

“Unë jam një nga kritikët e Berishës që nga 2007 për shumë aspekte. Berisha nuk është më kryetar i PD. Kontributi i tij ka qenë shumë i rëndësishëm për vendin dhe jo vetëm për PD. Kujtojmë këtu denoncimet e tij… Po të marrim këto denoncime kanë rëndësi shumë të madhe për vendin dhe ai ka një bilanc që e bën të denjë.  Në këtë kuptim unë besoj se gjërat janë të thjeshta nga pikëpamja e kontributit dhe e cilësive, dhe ai duhet të jetë”, tha Mustafaj.

Ndërkohë, Mustafaj foli edhe për rikthimin e ish-kryeparlamentares, Jozefina Topalli, ku tha se nëse ajo është propozuar nga anëtarësia do ta ketë votën e tij. Ndërkaq ai theksoi se figurat e larguara e kanë derën e hapur.

“Unë e shoh si një nxjerrje mësimi të atyre që afrohen. Perderisa s’jane afruar ne asnjë parti tjeter…Këta e kanë më te lehtë dhe duhet ta gjejnë më lehtë derën e PD.

Topalli ka qenë shpesh herë kritike dhe emri i saj thuhet se është propozuar në Shkodër, unë edne se kam parë listën, por nëse është, unë aq sa më takon mua, do e ketë më të lehtë… do e ketë votën time”, shtoi ai për news 24.