Ndodh në Rradhimë/ Zapton hapësirën në plazh dhe k*rcënon policët, por ja si e pëson vlonjati

Një skenë aspak e zakontë mund të cilësohet ajo që ka ndodhur sot në mesditë në plazhin e Rradhimës.

Gjatë ushtrimit të detyrës për kontrollin e plazheve, punonjësit e Agjencisë Kombëtare të Bregdetit, janë kundërshtuar nga një person, i cili pretendonte se posedonte një hapësirë plazhi në këtë zonë.

Bëhet fjalë për shtetasin me iniciale E.A, i cili dyshohet se ka kanosur punonjësit për shkak të detyrës dhe më pas është larguar nga vendi i ngjarjes.

Ndërkohë efektivët janë vënë në ndjekje të tij dhe po punohet për ta kapur.

NJOFTIMI ZYRTAR I POLICISE

Vlorë/Informacion paraprak

Rreth orës 12:10, në plazhin e Radhimës, punonjësit e Agjensisë Kombëtare të Bregdetit, gjatë ushtrimit të detyrës për kontrollin e plazheve janë kundërshtuar nga një shtetas, i cili pretendonte se posedonte një hapësirë plazhi në këtë zonë.

Si pasojë e konfliktit, shtetasi E. A,  dyshohet se ka kanosur punonjësit për shkak të detyrës dhe më pas ky shtetas është larguar menjëherë nga vendi i ngjarjes.

Shërbimet e policisë janë vënë në ndjekje të këtij shtetasi dhe po punohet për kapjen e tij.

Grupi hetimor po punon për sqarimin e rrethanave të ngjarjes.