Aksident i rëndë në Klos-Burrel, automjeti përplas për vdekje këmbësorin

Një aksident i rëndë ka ndodhur në aksin rrugor Klos-Burrel.

Një automjet, që drejtohej nga një 73-vjeçar, po udhëtonte nga Dibra drejt Tiranës. Ai ka përplasur një kalimtar në afërsi të urës së Shul Batrës.

Kalimtari Bajram Muça, 70 vjeç, është dërguar me urgjencë drejt spitalit të Burrelit, por nuk ka mundur t’i mbijetojë plagëve të marra.

I plagosur rëndë ka mbetur edhe shoferi, i cili ishte duke udhëtuar me bashkëshorten.

Policia ka nisur hetimet për zbardhjen e plotë të rrethanave të aksidentit.