Lajmi që bëri më shumë bujë rreth dy javë më parë, padyshim ishte dhe infektimi me COVID19 i kryebashkiakut të Tiranës Erion Veliaj.
Ky i fundit njoftoi se ishte vetëkarantinuar në banesë dhe punën do ta vijonte online.
Por sipas Oranews, e cila i referohej burimeve pranë kryebashkiakut, familjarë dhe të njohurve të tij, Veliaj është nisur për kurim jashtë vendit, disa ditë pas njoftimit për prekjen nga koronavirusi.
Oranews njoftonte se Veliaj do të kurohet në një nga spitalet e njohura turke.
Menjëherë pas këtij lajmi, ka folur dhe vetë Veliaj, i cili e ka mohuar se është dërguar për kurim jashtë vendit.
Kryebashkiaku shprehet se gjendja e tij është drejt shërimit të plotë dhe nuk ka asnjë të vërtetë që ka patur nevojë për trajtim jashtë vendit.
“Jam në Tiranë duke pritur testin e dytë, që të konfirmoj nëse jam shëruar apo jo. Testi i parë ka dalë negativ, dhe brenda 48 orësh pres përgjigjen e testit të dytë. Nuk jam larguar në asnjë moment jashtë vendit”, ka shpjeguar Veliaj.