Pas plagosjes së babë e bir, Shefqet dhe Alban Stafuka në fshatin Larushk të  Fushë-Krujës, mbrëmjen e sotme  policia ka arrestuar Ermir Hasën, 35 vje ç, pasi akuzohet si autor i ngjarjes.

Mësohet se e gjithë situata ka nisur për shkak të shitjes së një makine, që të plagosurit kanë bërë me autorin.

Ata kanë debatuar fillimisht, dhe sherri ka nisur edhe pasi të dy babë e bir kanë përplasur me makinë bi çikletën e autorit gjatë debatit.

Dyshohet se Ermir Hasa vuan dhe nga probleme të shëndetit mendor.

Pas plagosjes që i ka bërë të dy personave, Ermir Hasa është larguar me biçikletë.

Por vetëm dy orë më pas ai ka rënë në prangat e policëve të Fushë-Krujës.

Tashmë, Hasa ndodhet pas hekurave dhe do të merret në pyetje në lidhje me ngjarjen. Shefqet dhe Alban Stafuka ndodhen në spitalin e Traumës, ndërsa mësohet se 58-vjeçari është në gjendje më të rëndë.