“Nuk ka fjalë për të përshkruar dhimbjen” Mesazhi i ndjerë i Ditmir Bushatit pas humbjes së babait

Pas humbjes së babait, ish-ministri i Jashtëm Ditmir Bushati ka bërë një mesazh me fjalë tepër prekëse.

Ai shkruan se i ati nuk ja doli dot dhe ndërroi jetë në Boston, pas një beteje të vështirë me një sëmundje të rëndë.

Bushati shton se nuk ka fjalë për të përshkruar dhimbjen e fëmijës për prindin kur shuhet drita udhëheqëse, dashuria e së cilës na ndriçon rrugën.

“Im Atë u shua sot në Boston, pas një beteje të vështirë me një sëmundje të rëndë. Nuk ka fjalë për të përshkruar dhimbjen e fëmijës për prindin kur shuhet drita udhëheqëse, dashuria e së cilës na ndriçon rrugën. E ardhmja është një premtim, thoshte shpesh ai, dëshmi e shpirtit optimist e zemrës së madhe me të cilin jetoi jetën.
Prehu në paqe i shtrenjti ynë!”, shkruan Bushati.