E rëndë në Fushë-Krujë/ Plagosen me thikë babë e bir, dërgohen urgjent drejt Traumës (EMRAT)

Një ngjarje e rëndë është shënuar pak minuta më parë në Fushë-Krujë.

Dy persona janë paraqitur në spital të plagosur me thikë.

Bëhet fjalë për babë e bir, Shefqet dhe Alban Stafuka, përkatësisht 58 dhe 30 vjeç.

Të dy kanë plagë dhe shenja prerjesh në trup, dhe si pasojë janë dërguar me urgjencë drejt spitalit të Traumës pasi kanë qenë në gjendje të rëndë.

Ende nuk dihen rrethanat e ngjarjes, ndërkohë që mësohet se Shefqet Stafuka është punonjës në Ujësjellësin e Fushë Krujës.

58-vjeçari ndodhet në gjendje më të rëndë se i biri. Ai ka marrë një plagë të thellë në zonën e barkut.