“Punësim i sigurtë” Ministrja Xhaçka jep lajmin e mirë për 675 maturantë: Tarifë studimi zero

Akademia e Forcave të Armatosura mbyll regjistrimet pasi përfundon afati për të gjithë personat e interesuar.

Ministrja e Mbrojtjes Olta Xhaçka ka bërë me dije se deri më tani janë regjistruar 675 maturantë, tarifa për të cilët do të jetë 0 dhe punësimi i sigurtë pas përfundimit të viteve të studimit.

Ajo shtoi se regjistrimet janë të hapura dhe për maturantët e viteve të shkuara.

STATUSI I PLOTE I MINISTRES OLTA XHACKA

675 maturantë, të cilët kanë përfunduar arsimin e mesëm këtë vit, kanë zgjedhur të studiojnë pranë Akademisë së Forcave të Armatosura, që në tetor hap për herë të parë programin bachelor! ???

Por aplikimi vazhdon të jetë i hapur për maturantët e viteve të shkuara. Më 10 gusht përfundon afati për këtë kategori aplikantësh, të cilët deri nesër duhet të plotësojnë formularin pranë gjimnazit ku janë diplomuar, duke zgjedhur Akademinë e Forcave të Armatosura si një ndër preferencat e tyre.

Akademia e Forcave të Armatosura është një mundësi e jashtëzakonshme.

?Pagesë mujore ndihmëse për çdo student për të gjithë periudhën e studimit

?Akomodim dhe ushqim falas për 3 vitet e studimit në Akademi

?Tarifë studimi 0 lekë në vit

?Punësim i sigurt pas përfundimit të studimeve

Duke zgjedhur studimet në Shkencat Ushtarake, keni zgjedhur një karrierë sa të pasur, aq edhe të sigurtë!

Bëhuni elita e së ardhmes në Forcat e Armatosura!??