Të shtëna me armë/ Flet pronari i hotelit: Qëlluan drejt dhomës së djalit, policia nuk vepron

Jetmir Muçllari është pronari i hotelit Voloreka në Tushemisht, drejttë cilit u zbrazën 100 plumba kallashnikovi.

Në një deklaratë për mediat, Muçllari tregon se ngjarja ka ndodhur rreth orës 04:00 të mëngjesit, ku dy persona kanë qëlluar në drejtim të hotelit. Plumbat kanë kapur dhomat e turistëve dhe dhomën ku flinte djali i tij.

Ai tregon se ky është sulmi i dytë që i bëhet familjes së tyre dhe se ndjehen të kërcënuar me jetë. Sipas deklaratës së Muçllarit, bëhet e ditur se autorët janë denoncuar me emra në polici dhe kjo e fundit nuk ka vepruar për kapjn e autorëve.

“Kanë qenë dy persona në këmbë, të cilët kanë qëlluar me kallashnikov,duke shkehur disa karikatorë në drejtim të makinave të parkuara dhe hotelit. Atentatorët kanë qëlluar disa herë në drejtim të dhomës ku flinte djali dhe dy dhomave ku ishin turistë. Nga plumbat nuk ka persona të lënduar. Fillimisht autorët qëlluan në drejtim të rojes së hotelit, duke i kërkuar që të mos lëvizte. Plumbat dëmtuan dy makinat e mia dhe të djalit dhe 4 mjete të turistëve. Jemi të kërcënuar si familje. Kërkojmë mbrojtje nga policia. Dyshoj se objektiv i atentatit të sotëm dhe atij që ndodhi para një jave ka qenë djali im. I kam denoncuar me emra autorët por policia nuk po vepron. Kërkoj azil për dy djemtë, pasi këtu ju rrezikohet jeta”, deklaron Jetmir Muçllari.