Arrestohet shqiptari/ Prostituonte 2 motrat ukrainase, njera prej tyre ishte shtatzënë

Policia italiane ka arrestuar 39-vjeçarin shqiptar, Bashkim Allçinë, në bashkëpunim me antimafien e Napolit.

Mbi të arrestuarin rëndojnë akuzat, si: “krimet e skllavërimit”, “zhvatja e vazhdueshme”, dhe “dëmtimi fizik personal”, në drejtim të dy motrave ukrainase.

Ata kanë dëshmuar në polici se kishin shkuar në Itali për të bërë punë të ndershme, por kishin përfunduar duke prostituuar në zonën periferike të Giuliano në Kampanja.

Allçiu ishte tutori i tyre dhe i nxirrte motrat në rrugë, duke i detyruar të shesin trupin e më pas u merrte paratë. Ai u kap në flagrancë në momentin që shkoi ti merrte, pasi kishin mbaruar turnin.

Madje, shtetasi shqiptar kishte kërkuar 10 mijë euro nga njëra prostitutë, që të lirohej nga “puna”, pasi ishte shtatëzënë.