Mjeku infeksionist Pëllumb Pipero ka sqaruar opinionin public në lidhje me të vërtetën e fotos që ka qarkulluar në rrjet, ku shihet me listë në dorë përpara familjarëve të pacientëve të sëmurë.
I ftuar në studion e “AbcNews”, Pipero u shpreh se ishte rastësisht aty dhe thekson se duhet një mënyrë më e organizuar komunikimi.
Pipero sqaron se tek Infektivi nuk u merret celulari pacientëve, ata që janë në gjendje të komunikojnë nuk e kanë të ndaluar.
Pjesë nga biseda në studio:
Endri Xhafo: Në një foto të publikuar nga Presidenti jeni ju?
Pëllumb Pipero: Unë nuk e kam parë foton, pashë që qarkullojnë në disa portale ishte rastësi por natyrisht ne e kemi detyrim ligjor dhe profesional të komunikojmë me qytetarët. Është detyra e jona, i spitalit të japë informacion familjarëve. U gjenda rastësisht dhe e shoh si obligim. Duhet formalizuar në dy fasha oraresh paradite dhe pasdite në mënyrë që familjarët të mos presin. Në zakonin tonë është grumbullimi para spitaleve jemi edhe të paduruar.
Endri Xhafo: Ka një mungesë transparence, u merret telefoni personave që shtrohen?
Pëllumb Pipero: U merret të gjithë pacientëve numri i telefonit. Për ata që janë të pandërgjegjshëm. Flas për numrin e telefonit të familjarëve dhe shënohet në kartelë.
Endri Xhafo: Po flas për celularin e pacientëve, ka zëra se në Sanatorium u merret pacientëve celulari.
Pëllumb Pipero: Jo te ne nuk u merret. Nuk u është ndaluar atyre që janë në gjendje të komunikojnë. Nuk e di çfarë ndodh te Sanatoriumi, tek ne nuk u merret celulari. Familjari ka komunikim të vazhdueshëm. Nuk mungon transparenca por duhet të organizojmë më mirë komunikimin. Nuk është shumë komode që të dalë Pipero aty, apo Çomo. Ishte një rastësi dhe besoj që kam bërë shumë mirë.