Sekuestrimi i pronave të Ylli Ndroqit/ Reagon ambasada e SHBA-së: SPAK të bëjë punën e tij

Që prej fillimit të funksionimit të SPAK si strukturë e Posaçme, dosja 339 dhe sekuestrimi i pronave të Ylli Ndroqit janë dy nga punët më të mëdha të bëra prej tij.

Para pak ditës, biznesmenit Ndroqi iu sekuestruan 26 prona, në mes tyre edhe Ora Neës. Në drejtim të SPAK kanë ardhur shumë goditje nga politika dhe media, por ambasada amerikana ka shprehur hapur mbështetjen.

Ambasada e SHBA-së shprehet se ekspertët e drejtësisë duhet të lejohen të bëjnë punën e tyre pa kërcënime, presione apo kanosje.

Reagimi i Ambasadës së SHBA:

Ambasada e SHBA-së mbështet me forcë punën e pavarur dhe profesionale të Policisë së Shtetit dhe SPAK-ut. Profesionistët e sistemit të drejtësisë – oficerët e policisë, prokurorët dhe gjykatësit – duhet të lejohen të bëjnë punën e tyre pa kërcënime dhe kanosje, pavarësisht kush është i pandehur. Ka ardhur koha që të lejohen të kryejnë detyrat e tyre dhe të mbështeten përpjekjet e tyre për të luftuar krimin e organizuar. Kjo është e vetmja mënyrë që shqiptarët të kenë sistemin profesional dhe të paanshëm të drejtësisë që meritojnë, dhe të ecin përpara drejt integrimit në BE.