Plane për plazh në fundjavë? Hidhini një sy motit, zbuloni a është në favorin tuaj

Duket se kjo fundjavë nuk vjen me lajmë të mira për të gjithë ata persona që kanë planifikuar të shkojnë në plazh.

Moti nuk është shumë premtues, dhe këto të dhëna i jep Shërbimi Meteorologjik.

Parashikimi i mëposhtëm është për të shtunën dhe të dielën.

PARASHIKIMI

-Sa i përket ditës së shtunë, vendi pritet të ndikohet nga kushte të paqëndrueshme atmosferike. Edhe pse dita nis me kthjellime e vranësira kalimtare, me kalimin e orëve ato bëhen të dendura në pjesën më të madhe të territorit. Reshjet e shiut bëhen prezente fillimisht në zonën e juglindjes dhe prej orëve të mesditës shtrihen në pjesën më të madhe të vendit (përjashtuar zona e veriperëndimit). Reshjet do të jenë të herëpashershme në formën e shtrëngatave, ndërsa në relievet kodrinore-malore edhe në formën e stuhive apo rrebesheve afatshkurtër.

-Përmirësim i lehtë pritet të vijë gjatë ditës së diel me më tepër orë me kthjellime, por edhe alternime vranësirash. Në relievet kodrinore-malore këto vranësira në orët e nxehta të ditës do të shoqërohen me reshje shiu afatshkurtër në formën e shtrëngatave dhe stuhive. Por, sa i përket vijës bregdetare – ndryshe nga dita e shtunë – parashikohet që të ketë më tepër orë me diell për ata që tashmë ndodhen me pushime.