Ylli Ndroqit iu sekuestrua pasuria, avokatët marrin vendimin e rradhës: SPAK ka gabuar

Disa ditë pasi SPAK mori vendimin për të sekuestruar pasuritë e biznesmenit Ylli Ndroqi, avokatët e këtij të fundit kanë ndërrmarë veprimin e rradhës.

Ata kanë depozituar sot në Apelin e Gjykatës së Posaçme Kundër Krimit dhe Korrupsion vendimin për sekuestrimin e pronave të pronarit të RTV Ora.

Ata kanë shoqëruar dhe provat të cilat sipas tyre vërtetojnë se të gjitha pasuritë e Ndroqit janë të ligjshme.

Avokati Alban Qafa foli sot në një deklaratë për gazetarët, ku u shpreh se nuk ka kuptim që të sekuestrohet një media që kapitalin e blerjes së saj e ka të financuar nga banka te dokumentuar nga banka, duke shtuar se të gjitha pasuritë janë të ligjshme.

Ata po ashtu avokatët kanë evidentuar parregullsi në procedurat e ndjekura me sekuestrimin e dy televizioneve dhe pronave të tjera Ata kanë pohuar se Ylli Ndroqit i janë sekuestruar pasuri të fituara nga trashëgimia, apo me kredi bankare të vërtetuara me dokumentacion të rregullt ligjor.

“Këto hetime janë të paligjshme nga policia e shtetit dhe ngre dyshime për shmangien e qëllimshme të prokurorisë. Rezulton se një pjese e pasurive të vena nën sekuestro nuk janë në pronësi të z Ndroqi. Edhe ato që janë në pronësi të tij janë krejtësisht të krijuara me burime të ligjshme” , theksojnë avokatët.