“Me trashëgime çifti” Si gënjyen 2 vëllezërit për makinën që morën me qera për të ekzekutuar taksistin

Detaje të tjera kanë dalë në dritë në lidhje me ekzekutimin e taksistit Abdulla Budlla në Fushë-Prezë.

Mësohet se dy autorët e vrasjes, vëllezërit Arsil dhe Sajmir Shera, 20 dhe 32 vjeç, kanë marrë makinën me qera për të kryer krimin duke thënë se ju duhej për një dasmë.

Mësohet se automjeti me targa AA 171 DI është marrë me qera në biznesin e Greisian Çelës një ditë para ngjarjes.

Ndërsa në momentin e krimit targat ishin mbuluar me letër dekorative me shkrimin “Me trashëgime çifti”.

Nga këqyrja e kamerave të sigurisë u bë e mundur identifikimi i mjetit dhe policia ushtroi kontroll ë biznesin e Greisian Çelës ku sekuestroi 60 gr kokainë dhe armë zjarri. Dhe bëri arrestimin e 29 vjeçarit.

Pas arrestimit të dy vëllezërve, ata e kanë pranuar krimin dhe kanë deklaruar se ishin përpjekur të zgjidhin një konflikt me viktimën.

“U përpoqëm ta zgjidhnim konfliktin. I kërkuam të hiqte dorë nga e afërmja jonë të cilën e ngacmonte”, kanë thënë 2 vëllezërit para policisë”.