“Ndenja dy orë në ujë” Aurela Gaçe tregon episodin e frikshëm nga plazhi: Babi më thoshte s’je mirë nga trutë

Aurela Gaçe padyshim është një nga këngëtaret më të preferuara në muzikën shqiptare.

Ajo njihet për hitet e saj që bën për vete publikun menjëherë sapo i publikon.

E njëjta gjë ka ndodhur dhe me këngën “Lento Lento” klipin e të cilës po e xhiron aktualisht në Vlorë.

Në një prononcim për “Ora Verore” Gaçe është pyetur në lidhje me ndonjë episode që i ka ndodhur gjatë pushimeve.

Ajo nuk ka hezituar të tregojë një rast vite më parë në Jug të Shqipërisë.

“Njëherë kam qenë me pushime në Ksamil me familjen. Shumë kohë më parë, 20. Ishim në një ishull dhe zbulova që ishte dhe një ishull tjetër, mu duk afër. U futa në ujë me not dhe shkova deri në gjysëm, e shikoja ishullin tjetër po kisha ecur shumë, të vazhdoja më dukej larg, të kthehesha më dukej sërish larg… thash hajt po e çoj deri në fund! Kam shkuar deri në fund si ato peshqit e lodhur, kam ndejtur ja dy orë në ujë dhe ndërkohë mami dhe babi ishin alarmuar pasi unë nuk dukesha më në ujë, ata kërkonin nëpër kodrina, kodra, shikonin kudo dhe për pak desh kanë thërritur policinë, pastaj banorët aty më kthyen me skaf, dhe babi që më shikonte dhe thoshte që s’je mirë nga trutë”- rrëfen Aurela duke qeshur.