Detaje të reja janë zbardhur nga krimi makabër që ndodhi ditën e sotme në fshatin Buçimas të Pogradecit. 44 vjeçari, Olsi Çekiçi, their nënën e tij me thikë dhe më pas e vari te dera e shtëpisë.
Në shtepinë e krimit mbërriti menjëherë policia, ku e gjeti autorin me armën në duar dhe pa bërë rezistencë.
Ai u ka thënë policëve që të mos afrohen, pasi do t’i bënte pis me gjak dhe gjaku ishte me magji.
Çekiçi pranoi autorësinë e krimit në komisariat dhe deklaroi se nuk ndihet i penduar.
“Nuk pendohem. Kjo do të ndodhte një ditë. Amanet vajzën dhe vëllain”, është shprehur ai.
Ndërkohë, policia ka bërë me dije se autori i krimit kishte pësuar dëmtime në pjesën e ballit dhe gjatë gjithë kohës ka qenë i qetë.
Vetë Olsi Çekiçi ishte një person me probleme të shëndetit mendor dhe se kishte qenë i shtruar në psikiatri.