E vetmja e mbijetuar e tragjedisë në Kombinat, ja çfarë ka ndodhur me Blerta Josifin

Vijojnë të dalin detaje të reja nga ngjarja tronditëse në Kombinat një muaj më parë, ku nënë e bijë Zhaneta dhe Anisa Josifi u gjetën të vetëflijuara, ndërsa vajza tjetër Blerta ishte me shenja jete.

Ndërkohë mësohet se kjo e fundit ka dalë nga spitali në gjendje të përmirësuar shëndetësore.

Ajo u shtrua në spitalin psikiatrik pas ngjarjes së rëndë.

Kujtojmë se tragjedia ndodhi më 2 korrik në Kombinat të Tiranës, ku arsyet se pse ndodhi një gjë e tillë ishte se familja besonte se do të ringjallej.

Detaji që e bëri më tragjike skenën ishte se trupi i vajzës 30-vjeçare Anisa Josifi u gjet nga ekspertët e policisë në dhomën e saj të gjumit, e mbuluar me batanije dhe sipas ekspertizës kishte 15 muaj që kishte ndërruar jetë.

Ndërsa, Blerta Josifi, e cila i mbijetoi vetëflijimit u dërgua në urgjencë ku ju dha ndihma mjekësore.

Para hetuesve ajo mes lotësh është shprehur se ka humbur familjen, ndërsa ata nuk i dinin sakrificat që kishin bërë për tu ringjallur.