Kërcet gjoba/ Beratasi nuk pyet për rregulla dhe organizon dasmë, por ja ç’ndodhi në fund

Që prej hyrjes së pandemisë në vendin tonë, rregullat kundër përhapjes së virusit kanë qenë shumë strikte.

Një prej tyre është dhe moslejimi i grumbullimeve të mëdha me njerëz, që përfshin edhe dasmat.

Por mesa duket jo të gjithë i respektojnë këto masa të vendosura nga qeveria.

Një gjë e tillë ka ndodhur së fundmi dhe në Berat, ku pronari i një lokali ka organizuar dasmë në kundërshtim me rregullat kundër COVID19.

Si pasojë ai është gjobitur me 10 milionë lekë.

Bëhet fjalë për shtetasin me iniciale I.D.

NJOFTIMI ZYRTAR I POLICISE

Policia e Beratit ka ndëshkuar me 1.000.000 lekë gjobë, pronarin e një restoranti, pasi u konstatua duke ushtruar aktivitet në kundërshtim me Aktin Normativ.

Shërbimet e Komisariatit të Policisë Berat, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në rrugën nacionale Berat – Lushnjë, një restorant në të cilin ushtrohej aktivitet, duke mos respektuar protokollet e sigurisë.

Për subjektin në fjalë, me pronar shtetasin I. D., banues në Berat, shërbimet e Policisë kanë vendosur masë administrative 1.000.000 lekë.

Policia e Beratit apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19