Moderatorja Ilda Bejleri është një nga më të njohurat në fushën e sportit në Shqipëri.
Por një largim i papritur i saj nga ekrani pak kohë më parë i habiti të gjithë.
Ndërkohë së fundmi ajo ka folur dhe për arsyet që e shtynë të marrë këtë vendim.
Bejleri, e cila njihet dhe për format e saj shumë seksi dhe provokuese, ishte e ftuar në programin “Edicioni Veror 2020”.
Ajo ka zbuluar se në këtë kohë ka preferuar të shijojë momentet me familjen dhe miqtë e saj, megjithatë ka ndërmend të rikthehet së shpejti dhe do të jetë një surprizë e bukur.
Ndërsa përsa i përket largimit nga “Procesi Sportiv”, Ilda u shpreh se ishte mësuar të prezantonte e vetme dhe ndihej e lodhur nga klishetë.
‘Oferta ka, por megjithatë dua që t’ja lë kohës dhe ta them atëherë kur të jetë momenti. Për momentin dua të shijoj gjërat e bukura, me familjen, shoqërinë dhe miqtë. Do të jetë surprizë, por ju premtoj që do të jetë surprizë e bukur. Eksperienca ime tek Procesi Sportiv ka qenë diçka shumë e bukur, por isha mësuar që të prezantoja vetëm. Mendoj që ndoshta jemi lodhur pak nga klishetë, pra edhe sporti ka nevojë për njerëz që thonë të vërtetën, për një analizë reale”, tha moderatorja e njohur.