LIGJET E BIZNESIT
Është zbardhur deklarata e pasurisë së kryeministrit Edi Rama, bashkëshortes së tij dhe djalit për vitin 2019.
Ndërkohë bie në sy shuma e të ardhurave që familja ka siguruar nga shitja e veprave të artit.
Kryeministri i shet pikturat e tij shumëngjyrëshe nga 3000-5000 euro. Vitin e kaluar ka fituar plot 4 633 760 lekë të reja, nga shitja e këtyre pikturave.
Ndërkohë, djali i tij Gregori ka arritur të fitojë 27 150 euro nga çelja e ekspozitës së tij. Madje ka shitur makinën Audi për 12 000 euro dhe ka blerë makinë tip BMW 15 000, ku ka shtuar 3 000 euro nga xhepi.
Ndërsa bashkëshortja e kryeministrit ka shlyer disa keste të kredisë 80 000 euro dhe ka blerë një truall 80 metra katrorë, për 30 milionë lekë të vjetra. Nuk është e deklaruar se ku ndodhet trualli me këtë sipërfaqe të vogël.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pasuria e kryeministrit Edi Rama, Linditës dhe Gregorit për vitin 2019 (Open Data Albania):
Të ardhura nga paga si kryeministër, 2 024 485 lekë.
Të ardhura nga krijimtaria artiske, 4 633 760 lekë.
Shtim i llogarisë bankare, 428 348 lekë.
Linda Rama, gjendja e llogarisë bankare shtuar me 6 866 126 nga të ardhurat personale.
Gjendja cash pakësuar me 86 000 lekë.
Blerje tokë truall 80 m2, plus 3 000 000 lekë.
Të ardhura nga paga, 2 380 000 lekë.
Të ardhura nga konsulenca dhe ekspertiza të ndryshme, 1 876 793 lekë.
Të ardhura nga qiraja e apartamentit, 2 717 178 lekë.
Interesa bankare, 2 782 lekë.
Detyrime për një kredi e vitit 2013, shlyer 4 380 euro, detyrimi i mbetur 17 807 euro.
Gregor Rama, shtuar llogaritë bankare me 13 788 lekë dhe 42 961 lekë.
Shitur makina Audi, 12 mijë euro.
Blerë makinë BMW2, 15 mijë euro.
Të ardhura nga shitje e veprave të artit, 27 150 euro.
Kontratë qiraje deri në 7 korrik 2019, 360 000 lekë, nga 1 gusht e këtej 150 000 lekë.
