Taulant Balla kap peshkun e madh, i kthehet komentuesi: Është mesazh për Ylli Ndroqin

Ish-ambasadori amerikan në Shqipëri, Donald Lu bëri një deklaratë të fortë për të gjithë politikanët, para se të përfundonte mandatin e tij. Ai u shpreh se në Shqipëri ka peshq të vegjël dhe të mëdhenj, ku këta të fundit do të kapen shpejt.

Ende nuk është kapur asnjë nga “peshqit e mëdhenj” të politikës, por kreu i grupit [arlamentar të PS-së ka kapur një të tillë, në ujërat shqiptare.

Balla ka publikur një foto në Instagram, ku shihet mjaft i lumtur nga preja që ka rënë në kallëmin e tij.

Deputeti shihet me kapele ushtarake në kokë dhe duke i buzëqeshur peshkut të tij. Krahas fotos shkruan: Peshku i madh.

Ndërkohë, një nga komentuesit mendon se ky është një mesazh për biznesmenin Ylli Ndroqi, të cilit i është sekuestruar e gjithe pasuria, pas një inspektimi të kryer nga SPAK.

“Një mesazh për Ylli Ndroqin nga dyshja Lalitaotao”, shkruan komentuesi.